தலித் பாந்தர்ஸ் (Dalit Panthers - DP) தோற்றம்
சமூக அநீதிகள் உச்சத்தை எட்டிய காலம். மகாராஷ்டிராவின் மும்பை நகரத்தில், அலைமோதிக் கொண்டிருந்த தலித் இளைஞர்களின் கோபமும் குற்ற உணர்வும் வரலாற்றில் புதிய மாற்றத்தை தலித் பாந்தர் இயக்கம், கவிஞர்கள் நம்தியோ தாசல், மற்றும் ஜே.வி. பவார் ஆகியோரால் மகாராஷ்டிராவின் பம்பாயில் (மும்பை) தொடங்கப்பட்டது. இது அமெரிக்காவின் பிளாக் பாந்தர் இயக்கத்தைப் பின்பற்றியது. இயக்கத்தின் தைரியம்… எதிர்ப்பு… உரிமை கோரி எழுச்சி இவை அனைத்தும் இந்திய தலித் இளைஞர்களின் மனதில் மிகப்பெரிய எழுச்சியை உண்டாகியது.
சித்தாந்தப் பிளவு
மகாராஷ்டிராவை சார்ந்த அசல் தலித் பாந்தர் இயக்கம் அதன் தொடக்க ஆண்டுகளில் தலித் உரிமைகள், சமூக சமத்துவம், அரசியல் கூட்டணி ஆகிய கேள்விகளில் பெரிய உள் கருத்து முரண்பாடுகளைச் சந்தித்தது. இக்கருத்து வேறுபாடுகள் காரணமாக, இயக்கத்தில் பிளவு ஏற்பட்டு, ராம் தாஸ் அதவாலே (Ramdas Athawale) உள்ளிட்ட சிலர் இயக்கத்தை விட்டு வெளியேறி, பாரதிய தலித் பாந்தர் (Bharatiya Dalit Panthers, BDP) எனும் புதிய அமைப்பைத் தொடங்கினர்.
1980-களின் பிற்பகுதி திருமாவளவனின் இணைவு
சமூக அநீதிகள் உச்சத்தை எட்டிய காலம். மகாராஷ்டிராவின் மும்பை நகரத்தில், அலைமோதிக் கொண்டிருந்த தலித் இளைஞர்களின் கோபமும் குற்ற உணர்வும் வரலாற்றில் புதிய மாற்றத்தை தலித் பாந்தர் இயக்கம், கவிஞர்கள் நம்தியோ தாசல், மற்றும் ஜே.வி. பவார் ஆகியோரால் மகாராஷ்டிராவின் பம்பாயில் (மும்பை) தொடங்கப்பட்டது. இது அமெரிக்காவின் பிளாக் பாந்தர் இயக்கத்தைப் பின்பற்றியது. இயக்கத்தின் தைரியம்… எதிர்ப்பு… உரிமை கோரி எழுச்சி இவை அனைத்தும் இந்திய தலித் இளைஞர்களின் மனதில் மிகப்பெரிய எழுச்சியை உண்டாகியது.
தமிழ்நாட்டில் DPI/BDP ஆரம்பம்
தலித் பாந்தர் இயக்கம் (DPI) தமிழ்நாட்டில் தோன்றிய ஒரு சமூக நீதிக்கான இயக்கமாகும். இதை எம். மலைச்சாமி மற்றும் டி. அமுக்குராஜா ஆகியோர் இணைந்து தொடங்கினர். இந்த இயக்கம் தலித்துகளின் உரிமைகள் மற்றும் சமத்துவத்திற்காக போராடியது. சட்ட ரீதியாக இது பாரதிய தலித் பாந்தர்ஸ் (BDP) என்ற பெயரில் பதிவு செய்யப்பட்டு, தலித்துகள் எதிர்கொள்ளும் சாதிய வேறுபாடுகள், தலித் எழுச்சி மற்றும் மாற்றத்திற்கான சூழலை உருவாக்கியதும், தமிழ்நாட்டில் முக்கிய தலித் இயக்கங்களுள் ஒன்றாக விளங்கியது.
மலைச்சாமி மரணம் மற்றும் திருமாவளவன் DPI-யின் அடுத்த தலைவராக தேர்ந்தெடுக்கப்பட்டார்
தொல். திருமாவளவன் தனது ஆரம்ப வேலை வாழ்க்கையில் அரசு தடயவியல் துறையில் அதிகாரியாக பணியாற்றினார். அவர் சமூக பிரச்சினைகள் குறித்து பேசிக்கொண்டே இருந்ததால், விரைவில் சமூக உரிமைகள் சார்ந்த பேச்சாளராகப் பேரைப் பெற்றார். மதுரையில் பணியில் இருந்தபோது, தலித் இயக்கத்தின் முக்கிய தலைவர் எம். மலைச்சாமியை சந்தித்தது திருமாவளவனின் வாழ்க்கையில் திருப்புப் புள்ளியாக அமைந்தது. மலைச்சாமியுடன் ஏற்பட்ட நெருக்கமும், அவரிடமிருந்து பெற்ற அனுபவங்களும் திருமாவளவனை தலித் உரிமை இயக்கத்தில் அதிகமாக ஈர்த்தன. பின்னர் மலைச்சாமி மறைந்த பிறகு, DPI அமைப்பில் திருமாவளவனுக்கு முக்கிய பொறுப்புகள் வழங்கப்பட்டன. இதுவே அவரின் சமூகப் பணியும், அரசியல் பயணமும் புதிய உயரத்துக்கு சென்றதற்கான தொடக்கமாக அமைந்தது.
விடுதலைச் சிறுத்தைகள் கட்சி (VCK) தோற்றம்
திருமாவளவன் தலைமையில், DPI என்பது ஒரு முறையான அரசியல் கட்சியாக மாற்றப்பட்டு, "விடுதலைச் சிறுத்தைகள்" என்று மறுபெயரிடப்பட்டது. இலங்கையில் இன மோதல்களின் தாக்கம் மற்றும் விடுதலைப் புலிகள் (LTTE) போன்ற தமிழ்த் தேசியக் குறியீடுகளின் செல்வாக்கு காரணமாக 'விடுதலை' என்ற வார்த்தை சேர்க்கப்பட்டது. இது பிராந்திய அரசியலில் சட்டபூர்வத்தன்மையைப் பெறுவதற்கும், தமிழ் தேசிய அடையாளத்துடன் சாதி எதிர்ப்புச் சிந்தனையை இணைப்பதற்கும் அவசியமாக இருந்தது.
புரட்சிகர முழக்கம்: 'அடங்க மறு, அத்து மீறு, திமிறி எழு, திருப்பி அடி'
மதுரையில் 1992 ஆம் ஆண்டு தலித் போராட்டக்காரர்கள் மீது காவல்துறை நடத்திய தாக்குதலுக்கு எதிர்வினையாகப் பிறந்த 'அடங்க மறு, அத்து மீறு, திமிறி எழு, திருப்பி அடி' என்ற எழுச்சி முழக்கம் விடுதலை சிறுத்தைகளின் மைய அடையாளமாக மாறியது. இது, பாரம்பரியமான மனு அடிப்படையிலான அரசியலை மறுத்து, சாதி, மத, பொருளாதார மற்றும் அரசு ஒடுக்குமுறை ஆகியவற்றுக்கு எதிராகப் போராடுவதற்கான ஒரு தத்துவார்த்த அறிவிப்பாக மாறியது.
விடுதலை சிறுத்தைகள் கட்சியின் விழுப்புரம் தீர்மானம்
1998ஆம் ஆண்டு விழுப்புரத்தில் நடைபெற்ற முக்கிய பொதுக்கூட்டத்தில், விடுதலைச் சிறுத்தைகள் இயக்கம் ஒரு வரலாற்றுச் முடிவை எடுத்தது. தலித் மக்களின் உரிமைகளை சட்டமன்றம் மற்றும் நாடாளுமன்றத்தில் வலியுறுத்த வேண்டும் என்றால், சமூக இயக்கமாக மட்டும் இல்லாமல் அரசியல் கட்சியாக மாறி தேர்தல்களில் பங்கேற்பது அவசியம் என்று தீர்மானிக்கப்பட்டது. இந்தத் தீர்மானம் மூலம், தலித் சமூகத்தின் குரலை நேரடியாக சட்ட இயற்றும் மன்றங்களுக்கு கொண்டு சேர்க்கும் பாதை திறக்கப்பட்டது. இதுவே விடுதலைச் சிறுத்தைகள் இயக்கம் விடுதலை சிறுத்தைகள் கட்சி ஆக உருமாறிய முக்கிய கட்டமாகும்.
தேர்தல் களத்தில் விடுதலை சிறுத்தைகள் கட்சி முதல் நுழைவு
ஆகஸ்ட் 17 விடுதலைச் சிறுத்தைகள் கட்சி தேர்தலில் ஈடுபட முடிவு செய்த பொழுது, அதன் தலைவர் அரசுப் பணியைத் துறந்தார். இது, கட்சியின் முழுநேர அரசியல் ஈடுபாட்டை உறுதி செய்தது. விடுதலைச் சிறுத்தைகள் கட்சி (VCK) தனது முதல் பொதுத் தேர்தலை 1999 ஆம் ஆண்டில் சந்தித்தது. தலைவர் தொல். திருமாவளவன் சிதம்பரம் தொகுதியில் போட்டியிட்டு 30.8% வாக்குகளைப் பெற்றார். இது, அத்தொகுதியில் இருந்த பட்டியல் சாதி (SC) மக்கள் தொகை சதவீதத்தை (22.65%) விட அதிகமாக இருந்தது. இதன் மூலம், வி.சி.க. வெறும் ஒரு சாதிச் சமூகத்தின் கட்சி அல்ல, மாறாகப் பரந்த சமூக அடித்தளம் கொண்ட சாதி எதிர்ப்புக் கட்சி என்று நிரூபிக்கப்பட்டது.
முதல் சட்டமன்ற வெற்றி
தி.மு.க. தலைமையிலான கூட்டணியின் ஆதரவுடன் தேர்தலில் போட்டியிட்ட எழுச்சித் தமிழர் தொல். திருமாவளவன் அவர்கள், மங்களூர் சட்டமன்றத் தொகுதியில் வெற்றி பெற்றார். இந்த வெற்றி, தனிப்பட்ட அரசியல் முன்னேற்றமாக மட்டுமல்ல — விடுதலைச் சிறுத்தைகள் கட்சிக்கு வரலாற்றுச் சிறப்பாக அமைந்தது. இவ்வெற்றியின் மூலம், தலித் சமூகத்தின் குரலை நேரடியாக சட்டமன்றத்தில் எடுத்துச் செல்லும் பாதை திறக்கப்பட்டது. தமிழ்நாடு சட்டமன்றத்தில் முதல் முறையாக அதிகாரப்பூர்வ பிரதிநிதித்துவம் பெற்றதைக் குறிக்கும் முக்கிய தருணமாகப் பதிவானது. இந்த அரசியல் முன்னேற்றம், சமூகப் போராட்டத்தை சட்ட இயற்றும் மேடைக்கு கொண்டு வந்த முக்கிய மைல்கல்லாக அமைந்தது.
சட்டமன்ற உறுப்பினர் பதவியை இராஜினாமா செய்தது
ஒரு கூட்டணிக் கட்சிக்கு அளித்த வாக்குறுதியை காப்பதற்காக, தொல். திருமாவளவன் தனது சட்டமன்ற உறுப்பினர் பதவியை தன்னார்வமாக இராஜினாமா செய்தார். இந்த நடவடிக்கை, அவரின் அரசியல் நேர்மையையும், விடுதலைச் சிறுத்தைகள் கட்சியின் (VCK) அடிப்படைச் சித்தாந்தங்களில் எந்த வகையிலான சமரசமும் செய்யாத கொள்கையையும் வெளிப்படையாகக் காட்டியது. அதிகாரத்திற்கு மேலாக நம்பிக்கை, ஒப்பந்தம், மதிப்புகள் முக்கியம் என வலியுறுத்திய இந்தச் செயல், VCK அரசியலின் ஒழுக்கநெறி மற்றும் தார்மீக நிலைப்பாட்டை பொதுமக்கள் முன்னிலையில் உறுதிப்படுத்தியது.
வேளச்சேரி தீர்மானம்
வி.சி.க. ஒரு முழுமையான அரசியல் கட்சியாக வளர வேண்டும் என்ற நோக்கில் இந்தத் தீர்மானம் நிறைவேற்றப்பட்டது. தலித் சமூகத்தைத் தாண்டியும், பிற ஜனநாயக சக்திகள் கட்சியின் பொறுப்புகள் மற்றும் முடிவு எடுக்கும் மையங்களில் இணைந்து செயல்படக் கூடிய சூழலை உருவாக்க வேண்டும் என்பதையும் இத்தீர்மானம் வலியுறுத்தியது. இந்த மாற்றத்தால், VCK-யின் அரசியல் பயணம் பிரதிநிதித்துவ அரசியலிலிருந்து கூட்டிணைவு அரசியல் நோக்காக முன்னேறியது. தலித் பிரச்சினைகளுடன் சேர்த்து, கல்வி, நிலம், தொழிலாளர் உரிமைகள், மொழி, மனிதநேயம் போன்ற பல்வேறு பொதுச்சமூகக் கேள்விகளையும் கட்சி முன்னிலைப்படுத்தும் சூழல் உருவானது.
முதல் மக்களவைத் தேர்தல் வெற்றி
சிதம்பரம் மக்களவைத் தொகுதியில் தொல். திருமாவளவன் பெற்ற வரலாற்றுச் சாதனை, VCK-யை இந்திய நாடாளுமன்றத்தில் முதன்முறையாக நிலைநாட்டியது. 2019 பொதுத்தேர்தலில், VCK இரண்டு தொகுதிகளில் போட்டியிட்டு, இரண்டிலும் வெற்றி பெற்று 100% வெற்றி விகிதம் பதிவு செய்தது. மதச்சார்பற்ற முற்போக்குக் கூட்டணியின் ஆதரவுடன், சிதம்பரம் மற்றும் விழுப்புரம் – இரண்டிலும் உறுதியான வெற்றியைப் பெற்றது. இந்த வெற்றிகள், VCK-யின் குரலை தேசிய அரசியலின் மையத்துக்கு கொண்டு வந்தன.
இரட்டை எம்.பி வெற்றி
2019 பொதுத்தேர்தலில், VCK இரண்டு தொகுதிகளில் போட்டியிட்டு, இரண்டிலும் வெற்றி பெற்று 100% வெற்றி விகிதம் பதிவு செய்தது. மதச்சார்பற்ற முற்போக்குக் கூட்டணியின் ஆதரவுடன், சிதம்பரம் மற்றும் விழுப்புரம் – இரண்டிலும் உறுதியான வெற்றியைப் பெற்றது. இந்த வெற்றிகள், VCK-யின் குரலை தேசிய அரசியலின் மையத்துக்கு கொண்டு வந்தன.
சட்டமன்ற செல்வாக்கு உயர்வு
2021 சட்டமன்றத் தேர்தலில், போட்டியிட்ட 6 இடங்களில் 4 இடங்களில் வெற்றி பெற்று, VCK தனது சட்டமன்ற செல்வாக்கை குறிப்பிடத்தக்க வகையில் உயர்த்தியது. இந்த முன்னேற்றத்தைத் தொடர்ந்து, இந்தியத் தேர்தல் ஆணையம் VCK-யை அதிகாரப்பூர்வமாக மாநிலக் கட்சி என அங்கீகரித்து, நிரந்தரக் கட்சித் தகுதியை வழங்கியது. மேலும், இனிவரும் அனைத்து தேர்தல்களிலும் பயன்படுத்தக்கூடிய நிரந்தரச் சின்னமான 'பானை' சின்னமும் கட்சிக்கு வழங்கப்பட்டது. இதனால் விடுதலைச் சிறுத்தைகள் கட்சியின் அரசியல் நிலை, செயல்திறன் மற்றும் பொதுத்தொகுதி அடையாளம் மேலும் வலுவடைந்தன.
மாநிலக் கட்சி அங்கீகாரம்
2024 ஆம் ஆண்டு, விடுதலைச் சிறுத்தைகள் கட்சி சிதம்பரம் மற்றும் விழுப்புரம் ஆகிய இரண்டு மக்களவை தொகுதிகளிலும் வெற்றி பெற்று, அதன் தொடர்ந்து வளர்ந்துவரும் அரசியல் வலிமையை நிரூபித்ததுடன், இந்தியத் தேர்தல் ஆணையம் விடுதலைச் சிறுத்தைகள் கட்சியை ஒரு மாநிலக் கட்சியாக அதிகாரப்பூர்வமாக அங்கீகரித்தது.
